又一年了
又在呢間公司做了一年
又同Tracy過了一年
又大0左一歲了
真可怕...
呢個2009年, 就如陳居士所言, 係變化, 整頓0既一年, 如果話我次前果幾年(尤其是2001 - 2004呢幾年)係白過, 我絕對承認, 甚至乎話未同Tracy拍拖前0既我就好似夢遊(佢真係點醒0左我好多)一樣都不為過, 不過就算上一豕年, 都無呢年咁難頂, 感覺好似自己已經討厭以往的自己, 而要更大步的擺脫往日的影子
2009年, 基本一個字, 快
因為今年好似過得好快, 快到我有度年如日的感覺(是我太慢熱嗎?) 總好像很難跟時間同步的樣子, 卻又不得不要自己加快, 加快, 再加快去頂住, 工作如是, 生活如是, 好彩, 這是小事, 我頂得住, 也開始有點習慣了...
2009年, 再多一個字, 亂
其實也不是亂, 只是太多事是unexpected了, 工作上是一個原因(不過我覺得這可能是一件好事也說不定, 始終公司把自己投閒置散更可怕吧?)有很多呢廿幾年諗過, 或無諗過的事都發生了(最難忘的當然是萬里尋愛啦, 仲有同佢0既大旅行~~竟然做到了"第一次同你去長洲, 第二次先同你去歐洲"呢種咁dramatic 0既事XD, 跟她一起餓著肚坐在巴黎鐵塔下呆等兩個小時....為的是Sparkle那一剎, 那一刻, 我深切的體會到了, 一定是只有你才肯陪我呢個咁呆0既人一齊癲....癲足一生一世)
2009年, 第三個字, 一定係忙
仲要係瞎忙....成日好似好多0野做, 但都唔知做0左D咩
尤其是係下定決心重拾書包的那一刻, 雖然有心理準備, 不過也TMD太忙了吧?
放眼2010, 相信個調整/變化會更加翻天覆地, 不過我亦希望, 呢幾年係為了把自己準備好而面對的試煉!
Chatboard (0)